اكلة من اكلاتي المفتكسة وحصرية للمنتدى وسهلة وسريعة جدا

صباح الانوار على عيونكم جميعا
النهاردة يا حلويين قلت انزل طبق سهل ولذيذ جدا
لما زهقت من كتر الطبيخ والخضار قلت انوع
عارفين النقانق ( السوسيس )
هاتوا عبوة او اتنين على حسب الكمية المطلوبة
قطعوها حلقات صغيرة وحطوها في طاسة
تيفال او عادية بس يستحسن تبقى تيفال عشان ما يلزقش الاكل
في الطاسة
وحطوا على النقانق بصل متقطع وفلفل اخضر
وطماطم او صلصة زي ما تحبوا
وبهارات اللي تحبوة
وشوية مية تغطي النقانق بحبة صغيرين
وسيبوا كل يستوي على نار هادية
مش ها ياخد حاجة وحطوا مرقة دجاج كمان
يعني باختصار كانك بتطبخي طبيخ
وشوية زيت

يبقى
بصل
فلفل اخضر
زيت للطبيخ
ملح فلفل
مرقة ماجي
طماطم
ملعقة صلصة
وشوحي شوية الحاجات كلها مع بعض في الطاسة
وبعد كدة ضيفي المية والمرقة
قرب ما تلاقي النقانق نفشت عشان تدي طعم مختلف
هاتي جبنة موزاريلا اللي بتتحط على البيتزا كلنا عارفينها
وابشري شوية ورشي على الوش منها حبة
واقفلي النار
ها تبقى تحفة
واعملي معاها شوية رز ابيض وسلطة وبالهنا والشفاء